أخبار عاجلة
بنات دمياط

معاناة وأمل لبنات دمياط القصر في سجون الانقلاب

امل وهبه وصفا اعتقلو من وهم قصر عندهم 16 و17 سنه واتبهدلو ومرو بمواقف كتير بعد 4 سنين انتهت بالسجن …

منهم اللي ضاع منهم سنه في دراستهم واللي ضاع منهم مواد ، منهم اللي كانو بيفضلو يذاكرو طول الليل ويبقى عندهم جلسه وخوفهم ان يحصلهم حاجه ، منهم اللي كانت بتروح تحل في الامتحان بأسرع وقت عشان تيجي تلحق الجلسه …

ده بالاضافه للحاله الصحيه لبعض منهم وان اصلا متستدعيش انهم يفضلو في السجن بس هم والله صابرين وبيتحملو بأقصى قوه عندهم ، زي اللي منهم كانت عندها جلطه وكانت لسى بتتعالج ولسى بتاخد علاجها جوه ، اللي منهم بيجيلها ضيق تنفس وبتتخنق لانها بتتعب من الاماكن الضيقه والمقفوله ….

بيذاكرو في السجن ده حقيقي معاناه صعبه اوي لان محدش بيقدر يذاكر الا بعد مالناس تنام ، او الصبح بدري او يشوفولهم اي مكان فاضي عشان يقدرو يركزو ، ده غير المواد اللي محضروهاش ومش فاهمين فيها حاجه …

هتكلم عن الزياره وعن بنات صغيره فعلا بيفضلو ينتظرو الزياره بفارغ الصبر ، ويطلعو ويضطرو يفارقو اهلهم بعد نص ساعه او اقل حسب ، ويفضو الزياره ، يعلقو شنط ، ينزلو شنط ، يعينو حاجات ، يفتحو السبت ، يحطو حاجات ف التلاجه ، يوزعو حاجات وبتبقى معاناه بعد الزياره اصعب من معاناه السجن والزياره …

بنات كانو لسى صغيرين وف ثانويه عامه وبقو في اولى كليه لسى مبيعملوش حاجه اوي لقو نفسهم مسؤلين عن كل حاجه في حياتهم يطبخو ، يغسلو ، ينظمو ، حتى انهم يصبرو نفسهم بنفسهم ..

البنات دول بصدق عانو اوي ، خرجو بعد شهر ونص من الاعتقال فضلو يعانو نفسيا لانهم كانو سايبين صحابهم جوه ، خوفهم من الاعتقال تاني ، كانو بيروحو يزوروهم وبيخففو عنهم ، لحد مالقضيه اتحالت وبعدها بفتره نص اصحابهم خرجو ، فضل اتنين ، من هنا بدا حضور الجلسات لحد مالاتنين خرجو فكرو انهم هيرتاحو ، فضلو يحضرو الجلسه لاكتر من سنتين لحد مالقاضي اتحفظ عليهم يوم 26 يونيو 2018 ، بعيدا عن اسوا يوم في الوجود ، احساسهم كان ايه ! عملو ايه ! ليه المعاناه تبدا من تاني ! ياترى ايه اللي مستنينا !

بعدها اترحلو قسم كفر البطيخ فضلو هناك اسبوع ، منه على سجن بورسعيد واللي بالنسبه للبنات اول مره يدخلو مكان زي ده كان صعب عليهم اوي الوضع ، صدمه اكيد ، بعدها نزلو اول جلسه ومنها اتاجلو لجلسه النطق بالحكم واللي اتحكم عليهم فيها بسنتين ، يوم 10 مايو 2019 كملو سنه وبكده يكون لسالهم 11 شهر !!!!

بس هم متعشمين اوي يخرجو قريب بعفو ولا ف النقض ، متعشمين انهم يقضو العيد بره ، اهاليهم كمان متعشمين اوي ، البنات قضو عيد الاضحى اللي فات في السجن ادعولهم العيد يكون عيد حريتهم ويقضوه بره!
ادعولهم لعل دعوه صادقه تستجاب

عن نافذه دمياط

شاهد أيضاً

(مطبخ النافذة ) صفحة متجددة يوميا لجمهورنا الحبيب ولصائمي شهر رمضان الكريم … ملف كامل لأشهى المأكولات الدمياطي

البط الدمياطي” المكونات :  مكونات الحشوة :  بصل مكعبات – زبيب – شعرية – حبهان …

بيانات مطلوبة لتوثيق شهداء دمياط من ثورة 25 يناير حتى الان

شارك معنا بالمعلومات لاصدار كتاب بحفظ ويوثق ذكرى استشهاد ابناء دمياط من ثورة 25 يناير …

#ثلاثون_فكرة_لأسرة_سعيدة

ومضات:#ثلاثون_فكرة_لأسرة_سعيدة #الفكرة_الأولى : ( #جلسة_الأحلام). إعطاء المراهق مساحة لسرد أحلامه وأفكاره ، والتنفيس عما يجوب …

احذر تطبيقات تنظيف الهواتف

يثبّت كثير من مستخدمي الهواتف الذكية تطبيقات التنظيف (Cleaner) أو أدوات إزالة البيانات غير المرغوب …

بيان إحصائي بعدد الاصابات الجديدة بفيروس كورونا المستحدث ج.م.ع. (Covid_19- Egypt) من 31 مارس الى 25 مايو 2020

وزارة الصحة المصرية: 19 حالة وفاة بفيروس #كورونا و 702 إصابة جديدة ليرتفع إجمالي الوفيات إلى783 والإصابات …

#صيام_الست_من_شوال ” ضاعِف نياتك تزد من حسناتك ! “

” ضاعِف نياتك تزد من حسناتك ! “نيات صيام ست من شوال :-‏(1) جبر كسر …

بيان إحصائي بعدد الاصابات الجديدة بفيروس كورونا المستحدث ج.م.ع. (Covid_19- Egypt) من 31 مارس الى 24 مايو 2020

وزارة الصحة المصرية: 29 حالة وفاة بفيروس #كورونا و 752 إصابة جديدة ليرتفع إجمالي الوفيات إلى764 والإصابات …

اترك تعليقاً