أخبار عاجلة

لكل موظف بيسأل عن المعاش المبكر

-1- اعرف هتطلع معاش على سن ال 60 أو حتي ال 65 ، طبعا علي حسب عمرك . لأنه سيتم زيادة سن الخروج بداية من سنة 2030 ، وعلي سبيل المثال مواليد سنة 71 هيخرج علي 61 سنة وهكذا ، ومواليد 80 هيخرجوا معاش على سن ال 65 .
-2- من صورة جدول معامل حساب قيمة المعاش اعرف المعامل الخاص بك حسب عمرك انهاردة . لو عاوز تخرج مبكر .
لنفرض انك من مواليد قبل 71 ، لذلك تكون فى العمود الأول من الجدول وهو الخاص بسن الخروج على ال 60
لنفرض ان سنك انهاردة 55 سنة فيكون المعامل 60
…………ولو سنك انهاردة 50 سنة يكون المعامل 81.8……..وهكذا
😚 من شروط استحقاقك للمعاش المبكر ان يكون لديك حسبة معاش تعطيك مالا يقل عن 50 % من اجر التسوية الأخير …………… يعني ايه ؟؟
هذا الشرط الجديد والذي جاء به قانون التأمينات الجديد رقم 148 تفسيره ملخصا كما يلي :
هو ان يكون لديك مدد تأمينية لا تقل عن نصف قيمة هذا المعامل الخاص بك والسابق الاشارة اليه بالفقرة رقم 2 .
مثال للتوضيح
العمر 50 سنة ، وتعيين فى 1995م
يكون اليوم فى 2021 له مدة تأمينية 26 سنة . هل يستحق معاش مبكر ؟
للأسف لا يستحق لأن المدة المطلوبة منه هي 0.5 * 81.8 وتساوي 40 سنة و11 شهر .
هتسأل ازاي كده ؟! هو هيتعين وهو عندو 9 سنوات ؟! ده شيء غير منطقي لأن التأمينات لا تقوم بالتأمين الا بعد سن ال 18 سنة ! للأسف هو القانون كده .
مثال اخر
العمر 58 سنة ، وتعيين فى 1992م
كده انهارده يكون له مدة تأمينية 29 سنة ، هل يستحق معاش مبكر ؟
نعم يستحق لأن المدة المطلوبة منه هى 0.5 * 50 وتساوي 25 سنة فقط ، ويتم التسوية للخروج المبكر ولكن دون صرف اي مستحقات او معاش الا بدءا من عمر 60 عام .
ياريت كل واحد يحسبها لنفسه ويعرف لأن اللى هيقدم على معاش مبكر هيم قبول الطلب وبعد الدراسة هيقال له لا تستحق وتعتبر استقالة وليس من حقه الرجوع او سحب الطلب ، ولا يستحق اي حقوق لا عند ال 60 ولا حاليا ، الا تعويض الدفعة الواحدة ، وده موضوع تاني خالص وله شروط مختلفة .
منقول

Total Page Visits: 142 - Today Page Visits: 2

عن نافذه دمياط

اترك تعليقاً