حوارعلى مقهى فى الشارع الدمياطى

حوار بين : علوة (صنايعى دمياطى ايده تتلف في حرير لكن قفل الورشة وعملها قهوة صغيرة من بعد وقف الحال على ايد السيسي ) ، واستاذ عربي( راجل دمياطى أصيل على المعاش )
علوة يحمل صنية الشاى بالبن : قاعد بعيد عن التلفزيون فى الشمس حزين ليه يا حاج عربي مش عوايدك ؟
أ/ عربي: بلا تلفزيون بلا هم يا علوة مش شايف التطبيل ودق طبلة الحرب ! محسسينى إننا خلاص هنحارب عشان نرجع حصتنا فى مية النيل ولا غاز #دمياط الى اتنهب .
علوة: لا احنا حنحارب فى ليبيا يا حاج وادعى لابنى اللى فى الجيش .

أ/ عربي بدعيله وبدعى لولادنا ربنا ينجيهم من مصيرنا اللي شفناه واحنا شباب ، كان فى مجنون عمل زى الأهبل السيسي بلحة بالظبط ،و كانت اسرائيل بتطحن فينا وهو جرى عشان طمعان فى فلوس و زعامة و ورطنا فى حرب اليمن ، اتبهدلنا ومات مننا الآلاف أونطة ، وجينا فوقنا على النكسة ،
يا بنى سنة67 ماكانش علينا ولاجنيه لحد ولا قرض لدولة ، وسنة 60 كان عندنا “غطاء دهب” يعني كل جنيه مصري موجود قصاده جنيه دهب في خزينة الدولة
..😲
كل اللى جرى لنا بعد كده ..كان بسبب “حرب اليمن”!!!!!!!
بتقولى حرب تركيا ؟ حرب ايه انت عارف يعنى ايه حرب ؟
وأصلا نحارب تركيا ليه ؟ كانت خدت منا مياهنا وألا غازنا وألا جزرنا ؟
يبنى دول بالاتفاقية بتاعتهم دى رجعولنا حصة من غازنا المنهوب .

علوة : يعنى انت عاوز تقولى ان السيسي بيلبسنا الأونطة بدعوته للحرب دى هو والاعلام ؟ 🤔

أ/عربي: طبعا يا بنى .. اذا كان هو قاعد يحلب فينا غلا وكوا بحجة أنه بيجارب شوية ارهابيين فى سيناء ، هيعمل فينا أيه بقى لما يدخل حرب !!!
لا تقولى بقى لا غلا ولا كوا ولا أكل ولا شرب ولا مصالح .. ده احنا بنحارب ولا صوت يعلو فوق صوت المعركة !
أنا قايم يا بنى الظهر أذن ها قوم أصلى وأدعى ربنا يخلصنا منه
سلام يا علوة .

علوة يشرب كوباية الماية اللي قدام الزبون ويسرح في المصيبة 🥺 😱🙃

عن نافذة دمياط

اترك تعليقاً