هام جداً : آه. السيسي خايف مننا و منك ..!!

8 مايو، 2016 الأخبار, الرئيسية, كتاب واراء

في نقطه مهمه جدا السيسي بيفكرنا بيها :

ان كلامنا علي الانترنت بيوجعهم. بيوجع قوي كمان. و دي حاجه عجيبه جدا.

يعني واحد معاه جيش قتل بيه الاف و معتقل عشرات الآلاف و معاه دول الخليج بتديله رز و معاه الأوروبيون بيدوه شرعيه في مقابل الاتفاقيات و بيقتل ناس منهم كمان و مستعدين يطنشوا.

و مع ذلك و مع كل ده هو خايف منك و مني من كلمتين بنقولهم علي الانترنت.

ده يوريك قد ايه هوه هش جدا من جوه.

و دي نقطه احنا لاحظناها قبل كده (مصدر ١).

النوعيه دي من الناس بنقول عليها عندهم جلد رفيع او thin skin. اي حاجه بتأثر فيهم و تعصبهم.

و علي فكره مش احنا اللي بنقول كده. هوه السيسي نفسه بيقول متتكلموش في الموضوع ده تاني. و كلامكم بيضر، و ده غباء منه جدا لانه بيقول لنا بالضبط نعمل ايه.

ايام مبارك كان بيسيب الناس تنفس الكبت و الضغط.

دلوقتي الجنرال مش عاوز ده حتي لانه هش من جوه جدا و مش بيستحمل اي نقد او اتهام.

و غالبا ده السبب لما السيسي قال انه مش عاوز كلام في الموضوع ده تاني لقينا في التلفزيون ان صدقي صبحي استغرب من كلام السيسي (مصدر ٢).

يعني حتي شريك المجرم في جرمه رأيه انها شويه فضفضه علي الانترنت مش بتضر.

مش بس كلام السيسي اللي يخلينا نقول كده، احنا النهارده ١٤ ابريل، فاضل أسبوعين علي عيد العمال.

كان ممكن جدا خطبه السيسي العصماء دي تستني لحد عيد العمال.

عبد الناصر لما حب يعلن رد مصر علي سحب تمويل مشروع السد العالي قعد بتوع المراسم في رياسه الجمهوريه يدوروا علي اي مناسبه لحد لما لقوا اجتماع عادي معمول في نادي الشرطه بالجزيره و خلوا عبد الناصر يروح يخطب فيه.

يعني دوروا علي مناسبه موجوده فعلا عشان ميبنش ان الرئيس مستعجل.

احنا هنا قدام شيئ جديد، الرئيس بيطلب يتعمل اجتماع يلموا فيه ناس من علي القهاوي.

و يقولك مع فئات المجتمع المصري، و واضح ان الموضوع ده اخد جدال جوه الرياسه بدليل ان السيسي قال بلسانه انه لو كان استني كان نفس الردود علي الانترنت حصلت و لو قال الكلام من ٨ شهور كان الرد حيبقي هوه هوه.

طبعا كلام غير متناسق و قذافيه لا مثيل لها فاقت القذافي شخصيا في عدم تراتب الأفكار و سيرياليتها. لكن كاشف انه كان فيه نقاش انه يستني شويه عشان ميوريش انه مستعجل و انه رفض كده.

و بالطريقه دي بيوريها قد ايه هوه عصبي و think skin و من السهل تعصيبه و من السهل انه نخليه يعمل حاجات غلط و يندم عليها.

لذلك أوعي تسكت، زي ما بنقول دائماً،شارك برأيك ، اكشفه.

النوعيه دي من الناس كل لما تعمل عكس اللي تطلبه كل لما تزداد عصبيه و تهور كل لما تغلط و تزيد غلطاتها.

النوعيه دي هي اللي بتخلص علي نفسها بنفسها، لان كل لما بتتعصب كل لما تغلط و كل لما العبء علي المجرمين و الممولين حواليها بيزيد لحد لما يغلط غلطه تخلي مموليه و مؤيديه يتخلّوا عنه.

و ده هدفنا اننا نفتت تحالفه و نتخلص منه (مصدر ٣) زي ما كتبنا قبل كده.

أوعي تسكت، بالعكس هات القديم و الجديد:

١- فكرهم و فكره بتنازله عن مياه النيل (مصدر ٤).

٢- فكرهم و فكره بتنازله عن الغاز لقبرص و شراء الغاز من اسرائيل بالغالي و بيعه بالرخيص (مصدر ٥).

٣- فكرهم و فكره بهدم رفح اللي زي ما قلنا معملش اي حاجه للارهاب بالعكس الهجمات في سينا زادت كل يوم بالضبط زي ما قلنا (مصدر ٦).

٤- فكرهم و فكره انه فاشل، أمن، فاشل، سعر الدولار (مصدر ٧ به توقعات جوده من زمان حول سعر الدولار). فاشل. اقتصاد. فاشل.

٥- فكرهم بفنكوش علاج الإيدز (ملف جوده عن الفنكوش في مصدر ٨).

٦- فكرهم بفنكوش قناه السويس و قلنا انها لن تحقق شيئ و انها لخدمه الشركات الاماراتيه (مصدر ٩)

٧- فكرهم بفنكوش المؤتمر الاقتصادي اللي قلنا انه بدون اي محتوي حقيقي (مصدر ١٠).

٨- فكرهم بالتعاون المفتوح بين السيسي و اسرائيل (مصدر ١١).

فاكرين لما قلنا وقت اتفاقيه سد النهضه ان المطلوب دلوقتي اننا منسكنش و نفضل نضايقهم (مصدر ١٢). خلينا كده.

و علي فكره أتباع السيسي كمان بقوا زيه أعصابهم تعبانه، دائماً التابعين بياخدوا انفعالات القائد بتاعهم و دي حاجه معروفه قد علم النفس الجمعي (مصدر ١٣).

و ردودهم دلوقتي كلها عياط و انفعاليه زيه، من نوعيه الراجل ده لا ممكن يخونا.

زي كده نورماندي تو، انا كلمتي لا ممكن تنزل أبدا، بس خلاص حتنزل المره دي، كمان بيقولوا انتم آخركم تتكلموا دون فعل، و بيقولوا كده عشان نزهق و نسكت، أوعي تسكت.

أمسك اي حاجه السيسي و اتباعه بيقولوها و اعمل عكسها، خد البوست ده و اعمله شير في كل حته علي صفحتك و صفحات أصحابك.

احرق دمهم.

حيغلطوا و ينفعلوا و يشتموا.

هوه ده المطلوب.

معني كده انه هوه كمان حيعمل زيهم.

#اوعي_تسكت

#كسر_الانقلاب

١- هشاشه السيسي الداخليه:

https://jawdablog.org/2015/01/20/how_to_break_military_coup_6/

٢- انفعالات صدقي صبحي علي وجهه خلال حديث السيسي:

http://m.youtube.com/watch?v=yNZ0nXoPAXU

٣- كيف تكسر الانقلاب: تفتيت تحالفات السيسي