صينيه الكوسه بالبشاميل بطريقه ولا اسهل

المكونات
نصف كيلو كوسه
نصف كيلو لحمه مفرومه
بصله مفرومه
2 فص ثوم مفروم
1 معلقه زعتر
ملح وفلفل اسود
1 معلقه صغيره كزبره ناشفه
1 معلقه صغيره روزمارى فريش او بودر

مقدار بشاميل هيكون عباره عن 2 كوب حليب مغلى هتبليه بملح وفلفل مع 3 معلقه كبيره دقيق و2معلقه كبيره زبده وتقلبيهم مع بعض على النار وتحطيهم ع الحليب وتقلبى كويس لحد ما يتكثف معاكى البشاميل
جبنه مودذاريلا مبشوره او جبنه شيدر مبشوره وبلاش تستخدمى الجبنه الرومى
الطريقه
هتقطعى الكوسه حلقات وبعدين هتجيبى حله فيها شويه زيت بسيطه وتحطى اللحمه مع البصل والثوم وتشوحيهم كويس مع بعض بعد كده هتضيفى الكوسه مع التقليب وتقلبى كويس اوى هتبلى بالملح والفلفل والزعتر والروزمارى والكزبره وبعد كده هترفعى كل ده من ع النار وتحطيهم فى مصفاه عشان انا عايزها من غير مايه خالص بعد كده هتجيبى نص كميه البشاميل وتقلبيهم مع الكوسه واللحمه وتجهزى صينيه الفرن وتحطى كميه الكوسه وباقى كميه البشاميل تغطى بيها الصينيه وع الوش هتحطى الجبنه المبشوره وتدخليها الفرن لمده 10 دقائق او لحد ماتاخد الوش الجميل ده
وبالهنا والشفا