البط الدمياطي الأصلي خطوه خطوه

 

المكونات:
بطه حلوه كده وياريت لو توصي حد غاوي يربيه لأن بط المحلات يعتبر نص كم جنب البط اللي بيتربي …
بصل مفروم خشن وياريت لو تقطعيه علي إيدك علشان ميتهراش في الكبه
زبيب
ملح+فلفل+كمون ومبحبش أفتكس في بهارات البط هو حلاوته في نكهه المكونات نفسها
ليمون
زيت
حبهان
مستكه

الطريقه:
بنغسل البطه كويس بالدقيق بالخل بالليمون علي حسب طريقتك

شش
بنقفل رقبه البطه من فوق بالخله أو الخيط وممكن نقفل فتحه الرقبه بالكبد أو القوانص

ش
علي النار شويه زيت في الطاسه وبنضيف البصل والبهارات ونقلب البصل لحد ما يدبل لكن مش لدرجه يستوي
بضيف الزبيب أو ممكن إضافته في البدايه وبنقلبه مع الخلطه
بنحشي البطه بالخلطه ونقفل بالإبره والخيط كويس ولا أفضل إستخدام الخله

ششش
علي النار بنغلي ميه ممكن إضافه ورق لوري ليها وبنزل فيها البطه كام غلوه
بنتخلص من الميه..وفي حله مناسبه بنضيف زيت خفيف ومعاه حبهان ومستكه والبطه وعليهم الميه ولو الميه مغليه يبقي تمام
هنسيب البطه تغلي علي النار لحد ما الميه تبدأ تاخدلون الشوربه وبعدين نهدي النار ونسيبها تستوي
طبعا لو إحتاجت أي ميه بنزود ومننساش الملح وفلفل أبيض خفيف
لما بتستوي بننشلهاو بنعمل خلطه من عصير الليمون وملح وفلفل وكمون وندهن بيها البطه كويس جدا وندخلها الفرن تتحمر

لي

ملحوظه:البط كل ما يكون طازه بتكون الشوربه بتاعته تجنن يعني لو يطبخ خلال 5 أيام بالكتير بتبقي الشوربه ممتازه في الطعم واللون وده عموما في كل اللحوم البيضا أو الحمرا اللي بتتعمل شوربه

 

ف