الرئيسية / أخبار عاجلة / لابنائنا الطلبة والطالبات 10 نصائح يجب أن تعرفها قبل الذهاب إلى الامتحان.

لابنائنا الطلبة والطالبات 10 نصائح يجب أن تعرفها قبل الذهاب إلى الامتحان.

لابنائنا الطلبة والطالبات
10 نصائح يجب أن تعرفها قبل الذهاب إلى الامتحان.
—————————————————————–
11. *(لا تذاكر معلومات جديدة ليلة الامتحان) : ليلة الامتحان بروفة نهائي يعني مفيش فيها أي حاجة جديدة ، عشان الجديد اللي هتحاول تذاكره لأول مرة هيقلل من تثبيت القديم ، راجع على المهم ، أو حل امتحانات ، سمع أهم القوانين أو التعريفات
.
22. *(نم جيدا ليلة الامتحان) : النوم الكافي ضرورة وأولوية عشان لو رحت تعبان ومش مركز فيه خطورة إنك متقدرس تفتكر اللي مذاكرة ومش هتكون مركز ، هتحتاج في الامتحان تكون مركز وهادي ، نام حوالي 7 ساعات كاملة.
.
33. *(في صباح يوم الامتحان) : اصحي بدري شوية عشان متكونش متوتر ومستعجل ، ابدأ يومك بالصلاة والدعاء عشان قلبك يمتلأ بالراحة ، اوصل لمكان امتحانك بدري واعمل حساب الظروف ، ولما توصل ابعد عن أصحابك اللي من عادتهم إنهم يوتروا نفسهم وغيرهم .
.
44. *(عند استلام ورقة الأسئلة) : المعلومات اللي ذاكرتها متخزنة في العقل المفكر ، التوتر والقلق والخوف بيقفل العقل المفكر يعني مش هتعرف تفتكر وهتفكر نفسك نسيت كل حاجة وده مش صحيح. هعلمك طريقة مجربة : أول ما تمسك ورقة الاسئلة سيبها مقلوبة واقرأ شيء بتحبه وترتاح له من القرآن وادعي ربنا بيقين ، وحل ولو سؤال واحد عارفة جدا طالما فتحت الطريق للعقل المفكر هلاص هتفضل فاكر إن شاء الله
.
55. *(احرص على أن يكون معك ساعة) : لازم يكون معاك ساعة ، قسم الوقت على أسئلة الامتحان وسيب نص ساعة في الآخر زيادة احتياطي أو ثلث ساعة ، حط لكل سؤال وقت عشان مفيش سؤال يأخد وقت كبير على حساب الباقيين ، وتابع الوقت بشكل منتظم عشان تتأكد أنك ماشي صح
.
6. *(ابدأ بإجابة الأسئلة التي تعرفها جيدا) : هتستفيد 3 حاجات : 11. الفايض من الوقت الخاص بيهم هيروح للاسئلة الأصعب واللي محتاجة وقت أطول. 2. هتطمين لما تلاقي نفسك حليت كثير من الامتحان ولسة قدامك وقت تفكر وتحل الباقي. 3. السؤال الصعب اللي بيقابلك وتسيبه وتنقل على غيره عقلك بيكون لسة شغال عليه وبيجهز الإجابة ولما ترجع له تاني هتلاقيه أوضح وأسهل.
.
77. *(اقرأ الاسئلة كاملة بعناية) : اقرأ السؤال كامل ومرة واثنين وثلاثة ، أتأكد السؤال في أي جزء وإيه المطلوب بالتحديد ، وأتأكد من أجزاء السؤال وهل السؤال فيه أكثر من مطلوب واحد ، واقرأ رأس السؤال كويس جدا جدا ، وأتأكد هل السؤال اختياري ولا إجباري عشان لا تضيع وقت في سؤال اختياري وتكون لسة مخلصتش الأسئلة الأساسي
.
88. *(قلص الإجابات المتاحة) لو محتار بين عدة إجابات أو مش عارف تختار الإجابة الصحيحة ، تقدر تستخدم طريقة (استبعاد الإجابات الخاطئة). على طريقة جورج قرداحي في من سيربح المليون ، ساعات مش هتقدر تعرف ايه الإجابة الصحيحة ولكن تقدر تحكم بوضوح إن إجابة معينة خطأ
.
99. *(لا تغير إجابتك) : الدراسات أثبتت إن أول إجابة بتخطر للطالب بتكون هي الإجابة الصحيحة غالبا ، عشان كدة متغيرش الإجابة إلا لو تذكرت بوضوح الإجابة الصحيحة وكنت متأكد
.
100. *(راجع قبل مغادرة لجنة الامتحان) : دي برضه نقطة في غاية الأهمية ، المراجعة اللي تهمني إنك تتأكد من إنك جاوبت على كل الأسئلة ، امشي مع ورقة الأسئلة سؤال سؤال ، وأتأكد تماما إم مفيش سؤال متروك بدون إجابة ، وإن كل إجابة غطت كل المطلوب. بعد كدة لو حابب تراجع الإجابت نفسها لتحسينها وإضافة زيادة مفيش مشكلة. لو اكتشفت بعد الامتحان إنك نسيت سؤال هتكون حسرة بلا أي داعي
صفحة ذاكر بذكاء أكثر وجهد أقل

عن نافذه دمياط

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *